Лингвофорум

Заваде толсто намекнули, что он не закарпатский русин... ;D

— Что это за буква?
— ρ, бл%^&ь...

;D

Стри́ка ма́єме Ілька́,
Поплела́ його́ гурька́.
Най ся за́рвуть "Жигулі́",
Што склепа́ли мацкалі́.
Го́ре то́пить наш Ілько́,
Збря́гу п'є, не молоко́.

Почало́ся вши́тко з то́го:
У Ілько́вого старо́го,
Па́ру и́йзрю ся опста́ло –
Шор дати́ би їм приста́ло.
Зя́тя сво́го вун люби́в,
Бо Ілько́ не пив, роби́в.
В ньо́го ру́ки не з гузі́ці,
Схли за ним всі молоді́ці.
Ілько́ Ро́сію сходи́в,
Які́сь гро́ші зароби́в.

Се на И́лія ся ста́ло,
Фа́йту у рока́ш зобра́ло.
Го́стилися, мудрова́ли,
Де би гро́ші скільтова́ли?
Мо́тор ку́плю – зять пуві́в.
На што ста́рий вонь упрі́в.
Пуві́в – А́йно – гі одтя́в,
Да́ле лем ся загуря́в.

Ба яки́й мо́тор купи́ти,
Котри́й би муг послужи́ти?
І пара́нний, бізувни́й,
І гі танк, би бов муцни́й.
На́ші пу́ті – се не фі́ґлі,
Тя́жко пру́йдуть ще й біці́ґлі.
Ту село́, не пу́ті – ка́ра.
А коли́ урве́ся хма́ра?
А́ни вуз ту не пере́йде,
Ші́фа – до́кі во́да зи́йде.
Збини́, ярки́ по пути́,
Тепи́рь го́лову масти́.
Та гі пра́йником іде́ш,
Ду́шу на нюм розтрясе́ш.

Ло́пнув кось за "інома́рку":
Ка́жуть, ста́не в пе́ршум я́рку.
На тоту́ ся не напла́тиш,
Коло не́ї ґа́ті стра́тиш.
Ту сусі́да-тракторі́ста
Про́хопився з сво́го мі́ста.
Смо́ркнув і надня́в гузи́цю,
Ву́пив ма́хом сливови́цю.
Сма́чно па́ліньку промо́к,
Стря́сся, та гі воробо́к.
І поти́хи вун зача́в,
Гіби́ смо́лі розмача́в:
То кіть бра́ти на село́,
Би бізо́вно тя везло́,
"Ни́ва" – лі́пшого ніє́,
Ці́лий світ се признає́.
Мо́тор до́брий в ліс, на ри́бу.
Ти не ву́сліпаш в нюм хи́бу.
"Жигулі́", людко́ве, – си́ла,
Цілу́ Ро́сію вози́ла.
Ту́ня, фа́йна, хоть де пу́йде,
Гі слима́к з боло́та ву́йде.
"Жигулі́" на на́ші пу́ті,
Буде́ т'ти по баламу́ті.
Сочиме́ вам "Жигулі́",
Што їх пра́влять мацкалі́.

Кіть пола́млеся – не хи́ба,
То про "Мерцеде́с" ґали́ба.
"Жигулі́" ту ремонту́вуть,
Без серса́ми поріхту́вуть.
Діагно́стику не тре́ба,
И́ппен ді́ла тво́го же́ба.
В нюй пове́зеш цілу́ фа́йту,
Вадь два ми́йтри з бу́ка ша́йту.
То і тра́ктор, і кучі́я,
Гі Ілько́ і 'му Марі́я.
Ла́стувка – не "Жигулі́",
Му́дрі тоті́ мацкалі́.

По́зад И́лія Ілько́,
Пив уже лем молоко́.
В голові́ 'му "Жигулі́",
Што їх пра́влять мацкалі́.
Жо́вкнуть во́гурки в грядка́х,
Ско́ро час лети́ть в казка́х.
У уто́рок, по́зад ся́тку,
Гро́ші пояза́в рубатко́в.
Там... у ґа́ті їх захпа́в,
Ми́су галушо́к стрепа́в,
На Мука́чево паку́є,
Та́куй "Жигулі́" купу́є.

Бовт край ва́риша – сало́н,
"Жигулю́" а́дде ваґо́н.
Вонь ся во́чі розбіга́вуть,
Ко́рчі но́ги 'му іма́вуть.
Розпозі́ровав пув дня́,
Вонь прити́сло 'го сраня́.
Се чий знак ізго́рі бо́в,
Би купи́ти не забо́в.
Впер чоло́м у пе́ршу "Ни́ву",
Глип у хвуст юй і у гри́ву.
В во́ко впа́ла – по пара́ді,
Ба́рва – ви́шня в чокола́ді.
Бовташа́ заго́йкав си́пло,
"Сю беру́" – здави́в вун хри́пло.
Гро́ші в ка́сі, чек у же́бі,
Наш Ілько́ на се́мум не́бі.
Клю́чі взяв, вже нич не чу́є,
Вун рулю́є, керманю́є.

Сів, іми́вся за кута́ч,
Со́рок ко́ню пу́стить в ска́ч.
Ключ заби́в, мо́тор зрева́в,
Ма́ло ся Ілько́ не всра́в.
Ду́пнув, "Ни́ва" вонь зави́ла,
Гіби́ ко́панця іми́ла.
Ілько́ ко́чіш закляти́й,
Лети́ть мо́тор, гі збісни́й.
Позера́йте – "Жигулі́",
Так ся во́зять королі́.
Ілько́ го́рдий, гі гуса́к,
Скря́тав про́сто на орса́ґ.
Ко́ні з во́зом спе́ред "Ни́ви",
Затрубі́в, вонь стря́сло сли́ви.
Утіка́йте, ко біру́є,
Ілько́ "Ни́вов" керманю́є.
Перейшо́в вун через ма́чку,
Гі з бо́сов ного́в куря́чку.
Вонь на скло́ви ґілюхи́,
А за "Ни́вов" порохи́.
Так Ілько́ в село́ закря́тав,
Во́стро, гіби́ па́пірь зма́тав.
Фа́йний мо́тор – не цура́к,
Ілько́, знайте – не жебра́к.
Ву́лицьов думу́ грими́ть,
Кого́ ви́дить, затруби́ть.
Спе́лло 'го вонь у дворі́,
Не фейку́вуть "Жигулі́".
У воро́тницю ввали́в,
"Жигульо́м" 'ю утвори́в.

Ла́мле че́лядь кедири́цю,
Кру́мплі зси́пали в пивни́цю.
Вже зима́ у две́рі ду́ркать,
Як там мо́тор, ци ще фу́ркать?
"Жигулі́" ся сокоти́ли,
Ста́ру в ци́рькув лем вози́ли.
Раз у ти́ждень – на база́р.
Ко́пнув ру́ських би кома́р.
Ни в боло́то ньов не зби́хав,
Гі на о́браз на ню ди́хав.
Заз три мі́сяці втікли́,
В стри́ка ми́риґи стекли́.
Та гі фе́йки в "Жигульо́ви",
Гвузд в пічу́нку мацкальо́ви.
"Жигулі́" до́рос нові́,
Обдриста́лися дубрі́.
Зби́ла їх іржа́ улі́ті,
Ста́ли вни пістряк(ґ)ові́ті.
Та гі вуз, в пути́ гримля́ть,
З ці́вки ку́рить, вонь чадя́ть.
Ду́мали, ош ся іми́ла,
Ґу́та ру́ських би мори́ла.
Полама́лися фурґі́ти,
Руль не хо́че ся верті́ти.
Ула́й ця́пкать, ніє́ фе́йку,
Тя́гне з же́ба се копе́йку.
Гу́биться, гі вар в спраго́ту,
Ру́ську ма́є вна хворо́ту.
Ще розпа́деся в пути́,
Мо́жеш за ньов загусти́.
"Ни́ва" нись не завела́ся,
Би бляша́нка закляла́ся.
Гро́ші за́дарь скільтова́в,
Ру́ськуй ма́тери зала́в.

Наш Ілько́ вже не біру́є,
"Жигульо́ви" марію́є.
До́кі ми́риґи ще сві́жі,
Ву́тяг вун сусі́да з хі́жі.
Раз по пи́ску 'му зава́див,
За тото́, што 'го нара́див.
Ко́пнув ще 'го у гузи́цю,
Би не лопота́в дурни́цю.
Сплі́сніли би "Жигулі́",
Што їх лі́плять мацкалі́.
"Жигулі́" – тото́ бляша́нка,
Та гі цу́рава топа́нка.
Чко́да таку́ купова́ти,
Ряньдяшо́ви на́рас да́ти.

Кому́ мо́тор убира́ти,
Му́сить лем янно́ вун зна́ти:
Із Євро́пи хоть стари́й,
Лі́пший, гі "Жигу́ль" нови́й.
Тря́сло би тих мацкалю́,
Напра́вили "Жигулю́".
Тих бляша́нок, де не плю́нь,
За́то лі́пший од них ку́нь.